Sungura hula mimea mbalimbali. Sungura huhitaji virutubisho kama vile protini, nishati, madini, vitamini na mafuta ili kuwasaidia kukua vizuri.
Wakulima wanapaswa kulisha sungura malisho kama vile, nyasi, mboga kavu na karoti. Sungura wanaweza kulishwa kwa njia mbili: kulishwa kibiashara ambapo sungura hula vyakula vilivyotengenezwa viwandani, nyasi na maji ya kutosha. Nyasi kavu husaidia katika mfumo wa kusaga chakula. Pia hula malisho kama vile, sukumawiki, kabichi, karoti, na majani ya viazi vitamu. Unapotolea sungura mboga za majani acha zikauke ili kuondoa maji. Wakati wa jioni, tolea sungura nyasi za kutosha, maji na virutubisho vingine.
Hatua za kulisha sungura
Sungura wa miezi 3 na zaidi hula takriban gramu 150, sungura mjamzito hula gramu 180 na sungura anayenyonyesha gramu 300 hadi 400 kwa siku. Maji yanafaa kupewa sungura ili kumsaidia kusaga chakula. Mfugaji anapaswa kudumisha usafi na usafi wa vizimba.
Kagua wanyama kila wakati. Sungura mwenye afya huwa amilifu kila wakati, na kinyesi chake ni cha mviringo. Daima shauriana na daktari wa mifugo unapotambua sungura mgonjwa.
Kulisha vibaya
Mboga zenye unyevu husababisha uvimbe wa tumbo la sungura. Sungura hacheui, jambo ambalo linaweza kusababisha kuhara na kifo. Wakulima hawapaswi kulisha sungura kupita kiasi, bali wape virutubishi vinavyohitajika.
Wakati wa kumwachisha kunyonya, usiwalishe sungura kiasi kikubwa cha chakula, protini, mboga, na maji kwani huku kunaweza husababisha uvimbe.
Magonjwa yanayoathiri sungura
Uvimbe wa sikio huzuia masikio na kusababisha kuwashwa, na uchungu kwa sungura. Tumia mafuta ya taa yaliyochanganywa kuwatibu. Upele husababishwa na minyoo, na huathiri pua.
Ugonjwa wa kuhara damu hupitishwa kutoka kwa mama hadi kwa watoto. Tumia viuavijasumu kutibu ugonjwa huu. Nimonia husababishwa na kutokuwa na hewa ya kutosha katika banda la sungura.
