Teff ni zao muhimu la nafaka, kupandikiza teff kunasaidia wakulima kupunguza gharama za pembejeo na hivyo kuongeza mavuno.
Kupandikiza huongeza mavuno ya nafaka na majani kwa hivyo unaweza kuokoa kilo 29 za mbegu kwa hekta. Unahitaji tu nusu kilo ya mbegu ya teff kwa hekta. Pandisha miche kwenye kitalu chenye rutuba kilichotayarishwa karibu na shamba la kupandikiza siku 20-30 kabla ya wakati wa kupanda.
Kupandikiza
Tengeneza safu kwenye kitalu kilichoinuliwa huku ukiacha nafasi ya sm 10 kati ya safu hizo. Rekebishe urefu wa kamba kwenye vijiti ili kupata umbali unaopendelea kutoka ardhini.
Panda mbegu kwenye safu, zifunike na 2 – 3 cm ya udongo, mwagilia maji mara kwa mara na palilia.
Kabla ya kupandikiza, safisha, lima na sawazisha shamba.
Siku moja kabla ya kupandikiza, mwagilia maji ya kutosha na pandikiza tu wakati shamba lina unyevu wa kutosha.
Tengeneza safu kwa muachano wa sentimita 20 shambani kuu, weka mbolea ya DAP na kuifunika kwa udongo mwembamba.
Weka miche 3 kwa kila shimo kwa umbali wa 10cm na weka unusu wa kipimo cha mbolea ya urea kilichopendekezwa wakati miche inapoanza kustawi.
Baada ya siku 30, weka mboleaya urea kati ya safu.
