Unapofuga kuku, unatamani wawe na tija iwezekanavyo wakikomaa, lakini wakati mwingine sivyo.
Katika umri wa wiki 18, kuku wa mayai huwa wamekomaa, na katika hatua hii unapaswa kubadilisha chakula na kuanza kuwalisha chakula cha kuku wa mayai. Hata hivyo, usiwape chakula hicho mara kwa mara kwani kinaweza kusababisha matatizo ya utumbo. Anza kubadilisha chakula hatua kwa hatua. Anza kwa kuchanganya chakula cha kuku wanaokua na chakula cha kuku wa mayai kwa takriban siku 5. Kisha unaweza kuwapa chakula cha kuku wa mayai pekee. Ili kutaga yai kili siku, kuku huhitaji viwango vya juu vya kalsiamu, vitamini na madini.
Sababu za uzalishaji mdogo
Lishe duni. Chakula kinapaswa kuwa na protini nyingi, vitamini, madini na maji safi ya kunywa yanapaswa kutolewa kila wakati. Uzalishaji wa yai utapunguka ikiwa kuku hawatapata chakula au maji kwa muda ufaao. Inashauriwa kulisha kuku chakula kilichochachushwa kwa sababu kina lishe na madini zaidi kuliko chakula kikavu.
Kulisha kuku kupita kiasi. Hii inathiri uzito wa ndege lakini unapaswa kuwa kati ya kilo 1.6 hadi 2. Ndege waliochini ya uzito na ndege walio na uzito zaidi huzalisha mayai kidogo.
Ndege kulalia mayai. Hii hupunguza uzalishaji wa mayai. Kupunguza mwanga wa jua hupunguza uzalishaji wa mayai. Kuku huhitaji wastani wa saa 16 za mwanga kutoka wiki 18 za umri.
Aina na umri wa ndege. Aina nzuri za kuku wa mayai ni pamoja na Rhode Island red, Sussex, Australorp na wengine. Kuku anayeanza kutaga atataga mara kwa mara, lakini saizi ya mayai yatakuwa madogo, lakini baadaye kuku huanza kutaga mayai makubwa.
Ulaji wa mayai, ambapo ndege wengine hula mayai yao wakati viwango vya kalsiamu katika malisho yao ni kidogo.
Joto jingi linalosababishwa na halijoto ya juu ya mazingira, msongamano, na vimelea hupunguza uzalishaji wa mayai.
