Leo tunaangazia uchimbaji wa asali kutoka kwenye mzinga wa nyuki asilia wa Kijapani. Tutaondoa baadhi ya masanduku kutoka kwenye mzinga huu wa kitamaduni wa nyuki wa Kijapani kwa ajili ya kuchimba asali.
Mara nyingi wakati wa kiangazi, hakuna asali ya kuchimba kwa kuwa nyuki hula asali iliyohifadhiwa wakati wa msimu wa baridi. Makundi mapya yaliyotekwa msimu wa masika huwa hayana asali ya ziada ambayo inaweza kuvunwa katika kiangazi. Hata hivyo, mizinga ya nyuki asilia wa Kijapani huwa imara na marefu hadi masanduku sita juu. Sanduku za chini hutumika kutotolesha nyuki wachanga, huku masanduku ya juu yakihifadhi asali. Sanduku la juu huondolewa kwa ajili ya kuvuna asali. Baada ya hayo, tutakuwa tukisikia sauti za nyuki ndani ya mzinga.
Kuondoa sanduku
Kwa kawaida kundi la nyuki lililojaa asali huwa si shambulizi. Tumia kipulizia cha moshi kuondoa nyuki kwenye kisanduku cha juu. Tumia waya kukata masega yaliyobaki kwenye ubao wa mzinga. Kama inavyotarajiwa, kisanduku cha juu huwa kimejaa asali. Hii ni dalili kwamba kuna vyanzo vingi vya nekta. Kwa kuwa koloni ni kubwa, tutaondoa masanduku mawili ya juu. Baada ya kuondoa nyuki, tunatumia kisu kufungua pande za sanduku. Ifuatayo, tumia waya kukata masega. Sanduku lililojaa masega ya asali huwekwa kwenye chombo cha plastiki. Rangi ya asali hutegemea vyanzo vya nekta.
Kukagua mzinga
Masega huwa meusi katikati kwa kuwa limetumika kutotolesha nyuki wachanga awali kabla ya kutumika kuhifadhia asali.
Kisha tunarudia tena kutenda hatua zile zile ili kuondoa sanduku la pili. Ubao hufungwa tena na kisha kifuniko cha juu ya mzinga hurudishwa mahali pake. Kisha tunachukua kifaa kinachoitwa kiinua mzinga. Kwa kuwa nyuki wa Kijapani hunapendelea kujenga, masanduku kuongezwa chini, sio juu ya mzinga.
Kuongeza masanduku
Tutaongeza masanduku mawili tupu kwenye mzinga. Kwa kawaida kuna waya ambayo huwekwa kwenye mzinga ili kuhimili masega, lakini katika hali hii, waya hiyo huondolewa. Sanduku la mwisho lililoongezwa litakuwa na mwamba wa waya. Si rahisi kuongeza masanduku tupu kwa sababu huwa kuna nyuki wengi. Kitoa moshi hutumika kuondoa nyuki. Fanya marekebisho madogo ili kuhakikisha kuwa visanduku vinajipanga ipaswavyo. Sasa weka paa au kifuniko tena, na uwapeperushe nyuki walio kando ya mzinga kwa kutumia moshi, na hatimaye weka mzinga chini ya kivuli.
