Kwa kuwa kemikali ambazo wakulima hutumia huharibu udongo ambao kilimo hutegemea, mazao pia hushambuliwa na wadudu na magonjwa.
Mimea, wanyama na kuvu ambavyo huishi kwenye udongo hufa na kutengeneza mboji ambayo hufanya udongo kuwa weusi, pamoja na kuwa na rutuba. Matumizi ya kemikali huua vijidudu na hivyo udongo hauwezi kushikilia maji kama ulivyokuwa awali, na hivyo kuna kuwa na haja la kumwagilia.
Maandalizi ya vijidudu
Vijidudu vinavyotengenezwa kibiashara huharibu viini vibaya na hufanya mimea kuoza. Pia vijidudu hujenga upya udongo ulioharibiwa na kemikali za kilimo, na huhakikisha ukuaji wa haraka wa mazao. Wakulima huacha kulima ardhi na kupanda mazao moja kwa moja kwenye udongo.
Vijidudu vinavyotengenezwa kibiashara vinaweza kununuliwa kwa matumizi katika mazao na mboga. Kabla ya matumizi, mchanganyiko hutayarishwa ili kuamilisha vijidudu. Huku kunafuatwa na kuongeza vijiko 3 vya molasi kwenye lita 2 za maji ya vuguvugu na kuvichanganya vizuri. Mchanganyiko humiminwa ndani ya chupa na kuwekwa kwenye kivuli. Endelea kwa kuondoa gesi kutoka kwenye jagi mara moja au mbili kwa siku, na katika siku 7 vijidudu huwa vimeamilishwa.
Vile vile, vijidudu hutengenezwa kwa mchele uliochemshwa, ngano au mtindi wa mahindi, chachu na maji yaliyoosha mchele. Weka viganja 2 vya mchele na kunde kwenye chungu tofauti na funika kwa karatasi au kitambaa na weka chungu chenye mchele mahali penye joto la kawaida. Weka chungu kilicho na kunde chini ya kichaka cha mianzi, na funika kwa majani, na baada ya siku 5-7 vijidudu vitakuwa vimekua kwenye chungu.
Changanya vijiko 12 vya molasi na vijiko 12 vya maji yaliyoosha mchele kwenye chungu, mimina viungo kwenye beseni kubwa zaidi na ongeza lita 2 za maji, na kisha changanya vijiko 2 vya mtindi, 7-8g ya chachu, ongeza 1/2 kijiko cha vijidudu kutoka kwa mchele, na ongeza 1/2 kijiko cha vijidudu kutoka kwa kunde kisha changanya na uongeze kwenye mchanganyiko.
Zaidi ya hayo, weka mchanganyiko kwenye jagi na uuhifadhi kwenye mahali pa giza kwa wiki moja ili kuamilisha vijidudu vyema na kisha uifungue ili kuondoa gesi mara moja au mbili kwa siku. Hata hivyo, mchanganyiko utakuwa tayari baada ya siku 7. Mimina 150ml ya mchanganyiko ulioamilishwa kwa lita 15 za maji na nyunyizia kwenye udongo na lundo la mboji jioni. Asubuhi inayofuata, changanya mboji kwenye udongo na kisha panda mazao baada ya siku 3.
Hatimaye, tumbukiza mizizi ya miche kwenye mchanganyiko ulioyeyushwa kabla ya kupanda. Kwa mazao yaliyostawi shambani, nyunyizia mchanganyiko kila wiki kwa mwezi mmoja jioni na kisha tandaza vitalu.
