Sungura waliozaliwa huwa dhaifu, kwa hivyo matayarisho yanapaswa kufanywa kabla sungura hajazaa.
Sungura anaweza kuanza kuzaliana akiwa na miezi 6 kwa aina kama vile New Zealand nyeupe na miezi 8 hadi 9 kwa aina kama vile chinchilla kubwa. Muda wa ujauzito wa sungura ni kati ya siku 28 hadi 30, lakini kawaida ni siku 21 na sungura huzaa kati ya mtoto 1 hadi 14 lakini kwa mara ya kwanza, atazaa kati ya 6 hadi 8. Mara ya kwanza sungura mama anaweza kushindwa kutunza watoto kwa hivyo unahitaji kuhakikisha kuwa wanatunzwa ipaswavyo kwa kuwatolea joto na chakula kizuri.
Maandalizi kabla ya kuzaa
Unapotarajia sungura kuzaa, unahitaji kuandaa viota na kuviweka kwenye banda la sungura takriban siku 5 kabla ya kuzaa. Kiota kinapaswa kuwa na urefu wa 35 cm, upana wa 25 cm, na urefu wa 12 cm juu. Baada ya kutengeneza kiota, weka maranda ya mbao sakafuni kwa ajili ya kuondoa unyevu, na pia weka nyasi kama matandiko.
Weka kihori cha maji mbali na kiota ili kuzuia sungura wachanga kuzama.
Baada ya sungura kuzaa, hakuna kitu cha kufanya kwa sababu sungura mama atawatunza watoto. Kagua viota na uondoe manyoya ili kuangalia kama tumbo la sungura limepanuka na kupunguka, walakini epuka kugusa sungura mtoto.
Ikiwa unapata sungura mtoto alie na tumbo iliyopungua, unahitaji kumlazimisha mama kumlisha. Ni kawaida kwa sungura kuzaa kati ya muachano wa siku 1 hadi 3.
Endelea kufuatilia na ikiwa utapata sungura aliyekufa, muondoe. Ikiwa chakula ni kichache, kuna tabia ya mama sungura kuua na kula watoto wake.
