Mbolea za kikaboni ni mboji iliyotengenezwa kutokana na kinyesi cha wanyama au mabaki ya wanyama na mimea. Mbolea hii hutumika sana kwa mboga na matunda.
Mbolea za kawaida za kikaboni zina nitrojeni, fosfeti na potasiamu. Mlo wa alfalfa unaojulikana zaidi kama nyasi ya wanyama una 2.5% ya nitrojeni, 1% fosfeti, 1.5% potasiamu, na huoza haraka kwenye udongo. Popo guano ina 8% ya nitrojeni, 6% ya fosforasi, 1% potasiamu, hutolewa kwa udongo katika katika kiwango cha wastani hadi cha haraka. Mara nyingi hutumiwa kati ya mzunguko wa mazao, katika mavuno ya katikati ya majira ya joto, na ina lishe nyingi.
Mbolea za kikaboni
Mbolea ya samaki ina nitrojeni 9%. Huachiliwa kwenye udongo mara moja na ni nyongeza nzuri wakati viwango vya nitrojeni viko chini, na wakati mimea kustawishwa vizuri, walakini ina tindikali kidogo.
Mbolea ya mbegu za pamba ina 6% ya nitrojeni, 3% ya fosforasi, 1% ya potasiamu. Huachiliwa kwenye udongo pole pole, na hupatikana sana katika maeneo ambayo pamba hupandwa. Mbolea ya gluteni wa mahindi una 0.5% ya nitrojeni, 0.5% ya fosfeti na 1% ya potasiamu na ni kiimarishaji kizuri cha udongo katika misimu ya baridi.
Mbolea ya mwani, samadi ya kuku na mboji
Mwani una 1% ya nitrojeni, 2% fosfeti na 5% ya potasiamu. Huachiliwa kwenye udongo kwa kasi ya haraka. Samadi ya ng‘ombe ina nitrojeni 2.5%, phosphate 1%, potasiamu 1.5%. samadi ya kuku ina 3.5% ya nitrojeni, 1.5% ya phosphate na 1.5% ya potasiamu. Huachiliwa kwenye udongo kwa kasi ya haraka.
Mchanga wa kijani una 1% nitrojeni, 5% fosfeti na 5% potasiamu. Huachiliwa kwenye udongo kwa kasi ya wasitani. Mbolea oza ina 2% ya nitrojeni, 1.5% ya fosfeti na 1.5% ya potasiamu.
Mbolea ya soya, unga wa mifupa na unga wa samaki
Soya ina 12% ya nitrojeni, 1.5% ya fosfeti na 0.5% ya potasiamu. Huachiliwa kwenye udongo kwa kasi ya wasitani. Mbolea ya damu ni nyongeza ya haraka kwa nitrojeni.
Mbolea ya mifupa ina 4% ya nitrojeni, 20% ya fosforasi na 0.5% ya potasiamu. Huachiliwa kwenye udongo kwa kasi ya haraka. Inatumika katika udongo unaohitaji marekebisho makubwa. Mbolea ya manyoya hutumiwa zaidi kabla ya msimu wa kupanda ili kuimarisha rutuba ya udongo. Mbolea ya samaki hufanya kama nyongeza ya usawa kwa virutubisho vyote.
